Valentine's Day လေဘေးဒုက္ခသည်

                                                                       

မတန်မရာ စကားလုံးတွေဖေါင်ဖွဲ့
ကျိုးပဲ့သွားတဲ့ တာရိုးအပေါက်ကရေတွေသွန်ကျလာသလို
ငါ့နားထဲကို စကားလုံးတွေမဆံ့မပြဲတိုးဝင်လာကြ။

ငါ့မှာလေ.........
ပတ္တာပျက်နေတဲ့ တံခါးပေါက်ပျဉ်ချပ်လို
အောက်မေးရိုးကိုဟပြီး ခန္တီစ တရားကျင့်နေလိုက်ရတာ။

ဒါနဲ့တောင်အားမရပဲ ကဲကြည့်စမ်း
“ ဟုတ်တယ်မဟုတ်လား ”
လား... မေးခွန်းပေါင်းများစွာကို
ပုတ်သင်ညိုလိုခေါင်းတငြိမ့်ငြိမ့် လုပ်နေရသေး။

“အေးလေ ဟုတ်တာပေါ့”
“ဒါတော့ ဘယ်ကောင်းမလဲနော်လို့”
follow လိုက်ပြောနေရတဲ့ ပါးစပ်ဟာ
မပြတ်ပြုံးနေရလွန်းလို့
အာတွေညောင်း ပါးတွေကိုက်လို့ပေါ့။

ဒီမိကျောင်းမ သားတော့

ဖားပြုပ်ကို အဖေတော်ထားရလို့
လျှာရှည်နေတာ ဘာညာစိတ်ထဲမှာ ကျိန်ဆဲရင်းနဲ့
မဲ့တဲ့တဲ့ နှုတ်ခမ်းပေါ်မှာအပြုံးပန်းအတု 

ပန်ထားရတဲ့ ငါ
( အခုချိန်အထိ ) အာလူးတရားတွေနာနေရတုန်း...............။

                                                                  နိုင်းအေနွန်အောင်      

                                                                  ( nineaeonaung )

(Valentine's Day အတွက် အမှတ်တရကဗျာလေးဖြစ်ပါတယ်။ ကဗျာကိုကြိုက်နှစ်သက်လို့ကူးယူအသုံးပြုပါက ..ကဗျာပိုင်ရှင်၏နာမည်ကိုဖော်ပြပေးစေချင်ပါတယ်ခင်ဗျာ။)
                                                                            အားလုံးကိုခင်မင်စွာဖြင့်ကိုထွေး

Posted in: ကဗျာများ